نحنا بـ عالبالكون منقدّم ألعاب بتشبه برامج التلفزيون، بس لتلعبوها ببيوتكن، مع رفقاتكن، أو بأي جمعة حلوة. هدفنا نحول أي سهرة عادية مع أصحابكن لتجربة مليانة حماس، ضحك، وتنافس متل البرامج اللي كنتو تحضروها ودايمًا تتمنّوا تكونوا جزء منها.
شو منقدّم؟
منصمّم ألعاب رقمية على شكل برامج مسابقات تلفزيونية، فيكن تلعبوها بسهولة مع أصحابكن أو عيلتكن. حاليًا منركّز على الأفراد ومجموعات الرفقات، ومع الوقت بدنا نوسّع
ليش عالبالكون؟
لأنو ببساطة… نحنا منحب نعمل جو, أسلوبنا مرح، قريب، وبنحب نسمع منكن. أي ملاحظة أو فكرة ، ومنشتغل دايمًا لنطوّر التجربة ونخليها تناسبكن أكتر وتكون ممتعة لأقصى درجة
قصتنا
بلّشت القصة عالبالكون… بجمعة بسيطة مع أصحابنا، كنا نلعب ألعاب تريفيا . شوي شوي، اللعبة صارت تنعرض الأسئلة على الشاشة، بعدها زدنا البازرز، وكبر الموضوع أكتر وأكتر. من جمعة صغيرة، صرنا نعزم رفقات رفقاتنا، ومن بعدها إجت الفكرة: ليش ما نشارك هالتجربة مع الكل؟
ومن هون خلق عالبالكون
شو بيميّزنا؟
يمكن ما عنا سنين خبرة أو عملاء كبار, بس عنا شي أهم: روح حلوة، حب للتسلية، ورغبة حقيقية نخلق لحظات ما بتنتسى. نحنا منآمن إنو المتعة بالتفاصيل، وبالجو اللي منخلقو سوا
رؤيتنا
بدنا نكبّر هالعالم أكتر:
نضيف ألعاب جديدة ومختلفة
نعمل Events وحفلات بطابع برامج تلفزيونية
نخلي الناس تعيش تجربة “Game Show” حقيقية
هدفنا
ببساطة: نخلّي الناس تنبسط, وننشر هالتجربة ليصير كل حدا بيعرفكن بدو يجرّب يلعب معكن